Ginkumpirmar sang general manager sang Central Negros Electric Cooperative nga epektibo para sa bulan sang Marso ang pagnubo sa P1.20 per kilowatt hour nga presyo sang kuryente.
Sa interview sang Bombo Radyo kay Atty. Arnel Lapore, ang pagnubo sa presyonga P1.20 per kilowatt hour ang bangod sa discount nga 90 centavos nga nagikan sa Palm Concepcion Power Corporation (PCPC) kag 30 centavos gikan sa Incremental Currency Exchange Rate Adjustment (ICERA).
Suno diri, ini ang may kaangtanan sa fuel increase sang Nobyembre 2022, pag-negosyar ni Mayor Alfredo Benitez kag pagpadangat sang CENECO sang impormasyon sa PCPC sa konsomisyon sang mga consumers.
Pahayag ni Lapore ang discount nga ginhatag ang ila ipalab-ot sa mga consumers nga nagakaangay gid lamang.
Ang P1.20 per kilowatt hour nga rollback ang epektibo lamang para sa bulan sang Marso.
