Tinutuyo ni President Ferdinand “Bongbong” Marcos Jr. nga ma-normalize ang power services sa Siquijor antes magtakop ang 2025 kag ginpahayag nga dapat ibalik sa mga kunsumidor ang ila ginbayran kun kinahanglanon kasunod sang rotational brownouts nga nagluntad sang Mayo.
Sa iya ika-apat nga State of the Nation Address (SONA), ginpahayag ni Marcos nga siguraduhon sang iya administrasyon nga ma-establish ang mga pasilidad para sa long-term gains kag malikawan ang masulit ang power crisis.
Ginmanduan man sini ang Department of Energy, National Electrification Administration kag Energy Regulatory Commission nga pabalikon sa normal ang serbisyo sang kuryente sa Siquijor antes matapos ang tuig.
Ginpasiguro man sini nga makadihon gilayon ang mga ini sang pasilidad para sa magadugay nga solusyon sang mga ini sa problema sa kuryente.
Madumduman sang Mayo 13, 2025, nagluntad ang rotational brownouts sa Siquijor nga nagtulod sa Siquijor provincial government nga magdeklarar sang state of calamity.
Sang Hunyo, gin-inspect ni Marcos ang Siquijor Island Power Corp. (SIPCOR) power plant sa probinsya kag ginmandu ang imbestigasyon sa operasyon sini pagkatapos sang power issues.
Bukas man ini sa posibilidad sang iban nga power provider sa probinsya.
