Ginaabi-abi sang Power Watch Negros ang mandu sang Energy Regulatory Commission (ERC) sa mga generation companies nga magpaathag angot sa unplanned power outage nga naglapaw sa maximum allowable unplanned outage days kada tuig.
Sa ginpagwa nga statement ni ERC chairperson kag CEO Agnes Devanadera, hugot nga ginamonitor sang commission kag ginareview man ang weekly report nga ginasumiter sang generation companies bilang compliance sa ila direktiba angot sa Reliability Performance Indices and Equivalent Outage Days Per Year of Generating Units.
Base sa examination sang technical group, may mga generation companies suno kay Devanadera nga naglapaw sa maximum allowable unplanned outage days as of April 2021.
Bangud sini, ang natungan nga mga generation companies ang ginmanduan nga magsumiter sang paathag sa sulod sang pito ka adlaw halin sang ila nabaton ang Notice of Non-Compliance sang ERC bangud sa cumulative unplanned outage nga lapaw sa maximum allowable unplanned outage days para sa tuig 2021.
Suno kay Power Watch convenor Wennie Sancho, nagasaka ang rate sang kuryente halos kada bulan kag may mga tinion nga nabudlayan ang mga konsumidor sa stable power supply.
Suno kay Sancho, mas dako ang load nga ginakuha sang mga gen4cos sangsa demana apang nagaluntad gihapon ang power outage.
