Ginkwestyon sang convenor sang Power Watch Negros kun may hibalo bala ang mga empleyado sang Central Negros Electric Cooperative sa konsekwensya sa luyag nila nga magpatuman sang strike.
Sa interview sang Bombo Radyo kay Wennie Sancho, kun tani ginbasa sang mga empleyado ang kaundan sang Joint Venture Agreement sa tunga sang CENECO kag Prime Electric Holdings nga santo diri may yara sang provision kun sa diin iga-akomodar ang tanan nga empleyado nga nakitaan nga sila husto nga hatagan sang trabaho.
Suno diri, sa plano nga magpatigayon sang strike, ang serbisyo sang CENECO mahimo nga maparalyze, gani ginkwestyon sini kun ini bala gin-evaluate sang husto kag kun ila bala nahibaluan ang konsekwensya sini sa lakat sang ekonomiya.
Nagpanugyan si Sancho nga tani gintun-an ini sang madalom agud nga wala sang strike nga matabo kun sa diin ang maga-agawanta sini amo ang mga konsumedor.
Dugang pa niya bilang isa ka konsumedor sang CENECO, ang ini nga strike makahalit sa tanan nga dapat kun tani ang importante amo nga mahatag sa mga consumers sang CENECO ang maayo nga serbisyo.
