Nagapati ang Parish Pastoral Council for Responsible Voting (PPCRV) nga dapat makigbahin ang mga kandidato sa 2022 Elections sa mga debate ilabi na sa mga gin-organisa sang Commission on Elections agud mapakilala ang ila mga kaugalingon sa mga botante paagi sa ila mga plataporma.
Suno kay kay PPCRV chairman emeritus Ambassador Henrietta De Villa, ang mga debate kag mga forum lamang ang mga tion agud malatag sang mga kandidato sa mga botante ang ila mga plano para sa pungsod sa tion nga magdaog man sila sa May 9, 2022 elections.
Suno diri, sa pagtambong sa mga aktibidad kaangay sini, mapamatud-an sang mga aspirants ang ila competence sa mga posisyon nga ila luyag.
Suno kay De Villa, indi dapat mahadlok ang mga kandidato nga makigbahin sa mga debate kun matuod-tuod gid man nga kamatuoran ang ila mahatag sa publiko kag sa mga tawo.
Ginhangkat man ni De Villa ang mga botante nga maglantaw kag mamati sang maayo sa mga debate kag hibaluon kun ano ka seryoso ang mga kandidato nga ila ginasuportahan.
