Nagapadayon ang pagpreparar sang Parish Pastoral Council for Responsible Voting (PPCRV) sang Valladolid para sa May 9 national kag local elections.
Suno kay Mr. Anonito Razo, PPCRV Coordinator sang Our Lady of Guadalupe Parish sang Valladolid, matawhay ang sitwasyon kag wala sang mga untoward incidents sa banwa samtang nagahilapit ang Eleksyon.
Suno kay Razo, sa karun may yara sila sang 102 ka mga volunteers sa PPCRV kag nagpaidalum ang mga ini sa training agud sila ang may ihibalo kun ano ang ila pagahimuon sa adlaw sang pagpiniliay.
Nagapanawagan man ini sa mga botante sang Valladolid nga likawan ang gamo kag indi magpadala-dala sa mga issue sa politika agud mangin malinong kag matawhay ang Eleksyon.
Nagapanindugan man ini nga ang parokya ang wala sang may gina-endorso nga partido bangud ang tanan ang may kahilwayan sa pagpili sang ila luyag nga kandidato.
Ang banwa sang Valladolid ang may yara sang 16 ka mga barangay, 146 ka mga precinct kag 38 ka mga clustered precinct.
25,255 ang registered voters sa banwa kag duha ang mga kandidato sa pagka-alkalde samtang isa naman sa bise-alkalde.
