Pangunahan sang Bacolod City Police Office ang pagpatigayon sang peace covenant signing sa Bacolod City Police Office Parade Grounds alas-4:00 ang takna karun sa hapon.
Sa interview sang Bombo Radyo Bacolod kay Police Captain Ma. Liberty Indiape, Public Information Officer sang Bacolod City Police Office, ang Bacolod City Police Office kaupod ang Commission on Elections ang magapagatigayon sang prayer for peace and peace covenant signing para sa matawhay nga 2025 national and local elections.
Suno kay Indiape, gin-imbetahan nila ang mga local political aspirants, mga government agencies nga ginalakipan sang Department of the Interior and Local Government (DILG); Bureau of Fire Protection kag Armed Forces of the Philippines (AFP) agud nga magwitness sa nasambit nga aktibidad.
Ang mga supporters sang mga political aspirants ang mahimo man magwitness sa nasambit nga aktibidad.
Ang nasambit nga aktibidad ang patigayonon sa parade ground alas-4:00 ang takna sa hapon agud nga indi na mainit.
Patigayunon man ang prayer for peace para sa mga participants nga pangunahan sang nagkalain-lain nga interfaith group kun sa diin nalakip diri ang Life Coach Association sang BCPO, representative sang Diocese of Bacolod kag representative man sang Muslim Community sang ciudad.
Nagalaom ang BCPO sa pagpanguna ni BCPO City Director Police Col. Joeresty Coronica sang matawhay kag malinong nga 2025 midterm elections.
