Nagpatigayon sang prayer rally ang pila ka mga pumuluyo sa atubang sang Bacolod City Government Center Grounds kagab-i agud nga ipakita ang suporta sa anay presidente.
Suno kay Gibis Alejandrino, organiser sang prayer rally, nga prayer rally lang gid ang ila ginhimo agud nga ipakita ang suporta kay former President Rodrigo Duterte.
Suno kay Alejandrino, nagarespeto ang mga ini sa administrasyon ni Bacolod City Mayor Alfredo Benitez kag sa mga kapulisan.
Ginpatigayon nila ang pagsindi sang kandila nga may kalinong bangud wala sila sang permit ini.
Suno diri gulpyada lamang ang ila nga desisyon nga magpatigayon sang prayer rally sang nahibaluan nila nga may yara sila sang pre trial nga patigayunon sa kaso sang anay presidente kagab-i.
Suno diri, prayer rally lamang ang ila ginpatigayon kag wala sang pamulitika bangud luyag lamang nila nga magpakita sang ila nga suporta sa anay presidente kag mapakita nga bisan sa malayo siya madamo sang nagapalangga sa iya nga nagikan sa ciudad sang Bacolod.
