Nagpatigayon sang Pre-Demolition Conference ang Presidential Commission for the Urban Poor- Field Operations Division for Visayas para sa mga residente sang Brgy 12, Bacolod City nga maapektohan sang redevelopment sang Manokan Country.
Suno kay Assistant Chief of Operations Neil Victor Saril, tuyo sang City Legal Office nga magpatigayon sang demolisyon sa Enero 28 apang nag-ayo ang mga residente sang dugang nga isa ka bulan nga extension.
Suno diri, rason sang mga residente amo ang kapigaduuhon kag wala pa natapos nga pagpatindog sang ila mga balay sa relocation site.
Gikan sa 110 ka mga structures nga idemoish, 65 na lang ang bilin nga wala nakasaylo sang tinalikdan nga tuig kag 22 na lang ka structures ang nabilin nga inug-demolish.
Pahayag ni Saril, iban sa mga residente ang miyembro na sang National Housing Authority samtang ang iban ang inug-relocate na apang wala nagdayon.
Ginahulat na lamang kun ano ang mangin desisyon ni Bacolod City Mayor Alfredo ‘Albee’ Benitez.
