Nagpatigayon ang Manila Regional Trial Court Branch 12 sang pre-trial sa tatlo ka kriminal case ni expelled Negros Oriental Representative Arnolfo Teves Jr.
Ini ang may kaangtanan sa two counts sang murder kag one count sang illegal possession of firearms.
Suno kay Atty. Ferdinand Topacio, legal counsel ni Teves, nagtambong ang iya kliyente sa pre-trial paagi sa video teleconference.
Ginhingyo man sang ila kampo nga ibalik ang mga witnesses agud makapatigayon sila sang cross-examine.
Suno pa kay Topacio, gintalana sang korte ang hearing sa main cases ni Teves tubtob 2026.
Gintalana naman ang hearing sa iban nga mga kaso sa Agosto 4 subong nga tuig.
Kaangot sini, gin-athag sang korte nga wala ginapahinay ang dalagan sang trabaho kag sa baylo, luyag na nila nga matapos ini gilayon.
