Ginpahayag sang political analyst sa Bacolod nga pamatuod ang pagshake hands nanday President Ferdinand “Bongbong” Marcos Jr. kag anay Vice President Leni Lobredo nga wala sang permanent enemies sa politika kundi permanente nga intrest lamang.
Sa interview sang Bombo Radyo kay Atty. Jomax Ortiz, preparasyon na ini sa 2028 Presidential Election bangod wala sang kandidato ang Marcos group para sa pagka-Presidente.
Kun wala sang mabutang sa pwesto ang Marcos group, ginalantaw nga si Former Vice President Leni Robredo ang ila nga itib-ong samtang gikan naman sa Marcos group ang runningmate nga bise presidente.
Dugang pa ni Ortiz nga indi masarangan ni Romualdez ang magbunggo kay Vice President Sara Duterte kun siya ang ibutang nga Presidential nominee.
Suno sa abogado, apisar nga may mga issue nga ginapangatubang ang Duterte Group, may ginadihon nga impeachment kag nagnubo ang popularity ni Vice President Sara Duterte, ini ang nagapangibabaw gihapon sa survey.
