Ginpahayag sang Commission on Elections nga posible nga suspendihon sini ang pila ka mga preparasyon para sa Barangay and Sangguniang Kabataan elections (BSKE) matapos ginratify sang Kongreso ang isa ka bicameral conference committee report nga nagapostpone sini.
Suno kay Comelec Chairman George Garcia, sila ang magapatigayon sang isa ka emergency meeting sa masunod nga semana natuhoy sa nasambit nga butang.
Suno diri, posible nga ila man suspendihon ang voter’s registration nga nakaschedule humalin Hulyo 1 tubtob 11.
Posible nga i-adjust ang iban nga mga procurement processes para sa metal ballot boxes para sa manual voting kag iban pa nga deliveries bangud sa sini nga developments.
Ginpahayag man ni Garcia nga may yara dapat sang isa ka budget re-assessment kag review para sa isa ka increase sa honoraria para sa mga manunudlo.
