Na-finalize na ang preparasyon para sa Masskara Festival 2026.
Sa interview kay Bacolod City Mayor Greg Gasataya, kinahanglan nalang sini nga makigkita Bacolod Gugma Foundation agud nga matsekyar kun may kinahanglan pa nga ibulig ang ciudad ilabi na sa safety kag traffic concerns.
Suno kay Gasataya, nagabulig ang ciudad sa peace and order ilabi sa Bacolod City Police.
May yara sang mga road closures nga patigayunon nga nag-umpisa na kahapon.
Bangud sini lauman sang mga Bacolodnon kag bisan indi residente sang ciudad nga may yara sang pagbug-at sang dalagan sang trapiko ilabi na sa highlights.
May yara sang partial road closures sa Bacolod Public Plaza kada hapon bangud nagapadayon ang engress sa mga kiosks.
Sa October 1 may yara sang patigayunon nga full road closures sa plaza kag sa palibot sini halin alas alas 3:00 sang hapon tubtob sa alas 3:00 sang kaagahon sa masunod nga adlaw.
\Nagaapelar lamang ang alkalde sang paghangop nagikan sa sa mga pumuluyo kag ginasiguro man sang Bacolod Traffic and Transport Management Department (BTTMD) nga ma-minimize ang road closures magluwas nalang kun kinahanglanon gid.
