Nakahanda na ang tanan para sa official launching sang Masskara Festival 2025 subong nga adlaw, Oktubre 1.
Sa press conference, nagpangagda si Bacolod City Mayor Greg Gasataya sa tanan, nga saksihan ang labing una nga launching sang Masskara Festival 2025.
Dungan nga patigayunon sa Bacolod City Public Plaza kag Bacolod City Government Center ang launching, apang may isa lamang ka programa.
Suno kay Gasataya, ini ang nagasimbolo nga bisan wala sa isa lamang ka lugar, sarang nga magtrabaho sang magkaupod.
Isa man ka rason kun ngaa duha ang patigayunan sang opening, agud wala sang lugar nga mabiyaan.
Dugang pa sang alkalde nga ginahimo man sang ciudad ang tanan agud nga suportahan ang Bacolod Gugma Foundation bangud madamo sang artists nga magapadulong sa ciudad.
Suno pa sa alkalde, ang selebrasyon sang Masskara Festival ang nagapakita sang pagdumdom sang kultura kag resiliency sang mga Bacolodnon.
