Nangin hugot man ang preparasyon sang gobyerno para sa mga disasters kag kalamidad ilabi na sa karun nga nagabag-o nga klima kag indi mapaktan nga panahon.
Sa ikaapat nga State of the Nation Address sang presidente ginpahayag sini nga sa karun nga bulan sang Hulyo apat ka Bagyo ang naglabay sa pungsod kag suno sa PAG-ASA may yara pa sang dose ka mga bagyo antes matapos ang tuig.
Sa 24 ka mga aktibo nga bulkan sa pungsod, apat diri ang sa karun ang naga-alburuto ilabi na ang Mt Kanlaon sa Negros.
Suno kay President Ferdinand “Bongbong” Marcos Jr., indi dapat mag-untat sa mga ginahimo nga mga preparasyon bangud ang mga pamahog ang nagapabilin.
Suno diri dapat automatic na ang mga husto nga panggawi sa tion sang kalamidad bangud sunod sunod ang mga ini kaangay sang bagyo.
Dapat padayon ang improvement sa mga preparasyon kun sa diin pagadugangan ang mga napatindog na nga mga evacuation centers.
Ini agud indi na paghimuon nga evacuation center ang mga eskwelahan.
Suno pa diri ginagamit na sa karun ang mga teknolohiya sa prediction system sang PAG-ASA kag PHILVOLCS.
Dako man ang nabulig sang mobile command center sang DOST sa tion sang disaster response.
Panawagan man sini nga ang mga pumuluyo na mismo ang makahibalo magdisiplina sang kaugalingon sa paghimo sang nagakadapat sa tion sang mga kalamidad bangud ang kabuhi sang tagsa ka mga Filipino ang importante.
