Pres. Bongbong Marcos kag First Lady Liza Marcos, pormal nga ginwelcome nanday Chinese Pres. Xi Jinping kag First Lady Peng Liyuan para sa APEC Summit
-- ADVERTISEMENT --

Pormal nga gin-abi-abi nanday Chinese President Xi Jinping kag First Lady Peng Liyuan kahapon sanday President Ferdinand “Bongbong” Marcos Jr. kag First Lady Liza Araneta-Marcos para sa 33rd Asia-Pacific Economic Cooperation (APEC) Economic Leaders’ Meeting.

Sila ang nagtambong sa gala dinner kag cultural presentation kaupod ang pila ka mga lider sa nagkalain-lain nga pungsod.

Ang pagtilipon ang para sa “cultural celebration, friendship, kag camaraderie,” nga ginatambungan sang mga lider sang pungsod kaupod ang ila mga asawa, santo sa Presidential Communications Office.

Nag-abot ang presidente kag ang iya delegasyon sa China kahapon sa takna nga alas-5:30 sang hapon.

Ang APEC Economic Leaders’ Meeting ang ginhiwat kahapon tubtob subong nga adlaw, Nobyembre 19.

-- ADVERTISEMENT --

Natalana man nga makigsapol si Marcos sa tatlo ka world leaders lakip diri sanday Chilean President Jose Antonio Kast, Peruvian President Keiko Fujimori, kag Papua New Guinea Prime Minister James Marape.

Ang pagbisita sang presidente sa China ang kasunod sang pag-host sang Pilipinas sa 49th Association of Southeast Asian Nations (ASEAN) Summit and Related Summits.

Ang APEC ang isa ka regional forum nga ginabug-usan sang 21 ka miyembro economies sa Asia-Pacific.