Nagbisita si President Ferdinand “Bongbong” Marcos Jr sa duha ka mga banwa nga tuman nga nahalitan sang Bagyo TINO sa Negros Occidental, dala ang bulig paagi sa Department of Social Welfare and Development (DSWD).
Una nga ginbisita sang Presidente ang Jose Pepito Montilla Garcia Sr. National High School nga ginguba sang mudflow.
Sunod ini nga nagpadulong sa La Castellana Elementary School, kun sa diin nagahulat ang 300 ka pamilya ukon 1,100 ka indibidwal nga apektado sang bagyo.
Apang wala na nagpa-interview sa media ang Presidente, kag “no comment” man ini sa mga issue.
Madumduman nga si Marcos ang ginatudlo sa karun ni former Ako Bicol Partylist Representative nga mastermind sa P100 billion budget insertions angot sa flood control project.
Si Marcos, ang nagpatigayon sang close door situational briefing upod kay Negros Occidental Governor Eugenio Jose “Bong” Lacson kag iban pa nga local government agencies, upod man sanday Energy Secretary Sharon Garin, Education Secretary Sonny Angara, Health Secretary Ted Herbosa, kag Department of Social Welfare and Development Secretary Rex Gatchalian.
Makadali lang nga nagtinir sa probinsya si Marcos kag ini ang gilayon man nagderetso sa Bacolod-Silay International Airport.
Sa pihak sini nagpadayun ang payout sang DSWD sa mga nagub-an sang balay.
Sa interview sang Bombo Radyo Bacolod kay DSWD – Negros Island Region Director Erwi Razo, P10,000 ang financial assistance nga ginhatag sa mga totally damaged ang balay, samtang P5,000 naman sa partially damaged.
140 ang narecord nga totally damaged, samtang 170 ang partially damaged.
Ini ang labing una nga pagpatigayon sang payout sang DSWD sa evacuation center.
