Gin-acknowledge ni President Ferdinand “Bongbong” Marcos Jr. ang panginahanglanon nga i-address ang teenage pregnancy sa tunga sang mga paghinun-anon natuhoy sa implementasyon sang Comprehensive Sexuality Education (CSE).
Sa isa ka ambush interview, ginpahayag ni Marcos nga ang numero sang kaso sang teenage pregnancy sa pungsod ang nagapadayon sa pagkasa.
Suno diri, kun ang ginaistoryahan ang natuhoy sa nagasaka nga numero sang teenage pregnancy, nagasaka nga numero sang single mothers kag nagasaka nga numero sang mga balatian, ginpahayag sini nga ang mga teenagers nga nangin iloy ang masami nga wala nakahibalo kun paano mag-atipan sang ila bata kag sila mismo ang wala nakahibalo kun paano atipanon ang ila kaugalingon during pregnancy.
Suno kay Marcos, ang pagtudlo sang CSE sa mga estudyante ang tuman ka importante.
Dugang pa sini nga ang mga kabataan nga nagabata sang timprano pa ang yara sa tuman kabudlay nga sitwasyon.
Una na nga nagpabutyag sang kahangawa ang National Coalition for the Family and the Constitution (NCFC) sang concern natuhoy sa diskusyon sang mga konsepto kaangay sang “gender fluidity” kag “sexual diversity”, contraception, abortion, kag non-traditional relationships sa idalum sang CSE.
