Ginpahayag ni President Ferdinand “Bongbong” Marcos Jr. nga ang resulta sang 2025 midterms elections ang nagapakita nga “disappointed” ang publiko sa serbisyo sang gobyerno.
Suno sa Presidente, nakaangkon ini sang duha ka mga conclusion sa Eleksyon.
Una, natak-an na ang mga Filipino sa pulitika kag ang mensahe sa ila tanan amu nga untaton na ini kag atubangon ang mga problema sang pungsod.
Suno sa iya, insakto man ang mga pumuluyo kag ini dapat ang ginahimo sang mga opisyales imbes nga ang pamulitika.
Ikaduha suno sa Presidente amu nga disappointed ang publiko sa serbisyo sang gobyerno.
Wala sang mga ini nagakabatyagan ukon madugay ang pagtukod sang mga proyekto.
Suno kay Marcos, nagfocus lamang ang administrasyon sa dalagko kag long-term projects.
Gani sa palaabuton, ang administrasyon suno sa iya ang magahimo sang mga tikang agud ma-improve ang delivery sang basic services.
