Ginpahayag ni President Ferdinand Marcos Jr. nga madamo pa ang dapat nga himuon sang Pilipinas magluwas lamang sa pagfile sang isa ka protesta matapos ang bayolente nga engkwentro sang mga personnel sang Armed Forces of the Philippines sa Chinese Coast Guard sa West Philippine Sea.
Ang Pilipinas ang nagfile sang masobra ginatos na nga protesta batok sa mga incursion sang China.
Suno sa Presidente, dapat may ubrahon ang pungsod magluwas lamang sa pagfile sang mga diplomatic protests kag pagpatawag sa ambassador kag pagpabutyag nga indi gusto sang Pilipinas ang natabo.
Madumduman nga nangtaya ang mga personnel sang Chinese Coast Guard sang mga kutsilyo, sticks kag axe sang Hunyo 17 sa Filipino navy nga nagapatigayon sang resupply mission sa Ayungin Shoal kun sa diin isa ka suldado ang nautdan sang tudlo.
Apisar sini, ginpahayag ni Marcos nga indi ini makabig nga armed attack.
Suno diri, ini ang makabig naman nga deliberate ukon ginhungod nga tikang agud mapunggan ang tropa sang Pilipinas sa pagpatigayon sang sang resupply mission.
