Ginpahayag sang Malacañang nga dapat mangin transparent si President Ferdinand “Bongbong” Marcos Jr. kag ipakita sa publiko nga indi ini maluya nga leader.
Sa isa ka press briefing, ginpamangkot si Palace Press Officer Undersecretary Claire Castro natuhoy sa pamaagi sang pagpangampanya ni Marcos para sa senatorial slate sang administrasyon para sa 2025 Elections.
Kun madumduman, si Marcos ang nagahaboy sang mga tirada sa mga speeches sini sa pagpangampanya.
Suno kay Castro, sa tanan nga campaign rallies nga nakadtuan sang Presidente, ang mga kandidato amu ang nagahambal natuhoy sa ila mga programa nga makabulig sa pag-improve sang pungsod.
Suno sa iya, kun kaisa dapat mangin transparent ang Presidente sa iya mga balatyagon kag hambalan ang nasyon nga indi ini isa ka weak leader.
Kun madumduman, gintawag ni President Rodrigo Duterte si Marcos bilang isa ka weak leader sang Nobyembre 2021 kadungan sang pagpamatok sini sa coalition sang Lakas-CMD sang bata sini nga si Vice President Sara Duterte.
