Nagmando si President Ferdinand Marcos Jr. sa law enforcement kag anti-corruption agencies nga maglunsyar sang mas magamay apang madamo nga mga operasyon batok sa Philippine Offshore Gaming Operations (POGOs) nga nagapadayon sa pag-exist sa pungsod apisar sang total ban.
Ang ini nga direktiba ang ginhimo ni Marcos sa 2nd Joint National Peace and Order Council (NPOC)-Regional Peace and Order Councils (RPOCs) meeting para sa 2024 sa Camp Crame, Quezon City.
Sa isa ka press release nagikan sa Presidential Communications Office, luyag ni Marcos nga i-intensify sang Philippine Anti-Organized Crime Commission (PAOCC), Philippine National Police (PNP), kag Criminal Investigation and Detection Group (CIDG) ang ila mga operasyon batok sa POGOs nga nagapadayon sa pag-operate apisar sang iya direktiba.
Ginhingyo man ni Marcos ang mga local chief executives nga magcoordinate sa Department of the Interior and Local Government (DILG) sa paglagas sa mga POGOs sa ila tagsa-tagsa ka mga jurisdiction.
