Natalana nga magpadulong sa ciudad sang Bacolod sanday President Ferdinand ‘Bongbong’ Marcos Jr. kag 1st Lady Liza Araneta Marcos para sa pagpatigayon sang ila personal nga mga programa sa Hunyo 27.
Sa interview kay Bacolod City Mayor Alfredo ‘Albee’ Benitez, tentative date pa lamang ang Hunyo 27 kun sa diin si Presidente Marcos ang magapatigayon sang iya Presidential Assistance for Fisher folks and Farmers (PAFF) samtang ang First Lady ang magapatigayon naman sang iya ‘Lab for All’.
Suno sa alkalde wala pa sang natumod nga lugar apang ang mga aktibidad ang segurado nga patigayunon sa Bacolod City.
Ang Lab for All ang nagahatag sang libre nga laboratory, konsulta kag bulong nga makabig nga isa ka medical bus.
Ini ang may natalana nga 1,500 nga benepisyaryo.
Samtang ang PAFF ang makahatag sa 10,000 nga benepisyaryo kun sa diin 4,000 diri ang gikan sa Bacolod City samtang tig-1,000 naman ang benepisyaryo gikan sa tagsa ka distrito sa Negros Occidental.
Ginatsekyar man ni Benitez ang update sa Housing project kag kun san-o sarang ma-inagurahan ang Economic High.
