Kontento na si President Ferdinand “Bongbong” Marcos Jr. sa ginpatigayon nga preparasyon sang nagkalain-lain nga concerned government agencies sa Super Typhoon Nando partikular na ang prepositioning sang mga supply partikular sa mga isla kaangay sang Batanes.
Ini ang ginpahayag ni Defense Secretary Gilberto Teodoro.
Apisar sini, ginpahayag ni Teodoro nga isa sa pinakadako nga challenge sa karun ang pagbalik sang kuryente sa mga lugar sa Region 1 nga tubtob sa karun wala sa gihapon sang supply sang kuryente bangud sa malain nga tiyempo kag makusog nga balod.
Ginpasiguro naman ni Teodoro nga supisyente sa gihapon ang Quick Response Fund (QRF) kag ang emergency funds sang mga ahensya agud magresponde sa karun nga sitwasyon.
Sa karun, wala pa sang may nareport nga kakulang sa supply sang relief goods.
