Posible nga magabisita si President Ferdinand “Bongbong” Marcos Jr. sa White House agud makigkita kay US President Donald Trump sa masunod nga mga binulan matapos ang twin visits sang duha ka pinakamataas nga mga US officials sa Pilipinas.
Suno kay Philippine Ambassador Jose Manuel Romualdez, ang pagbisita ni Marcos ang posible nga maschedule pagkatapos sang pagbisita ni US Defense Secretary Pete Hegseth sa Pilipinas sa Marso 28 tubtob 29 kun sa diin siya ang natalana nga makigkita kay President Marcos kag Defense Secretary Gilbert Teodoro.
Una na nga ginpahayag sang US Department of Defense nga si Hegseth ang magabyahe padulong sa Pilipinas agud ma-advance ang security objectives kaupod ang mga lideres sang Pilipinas kag makigkita sa US kag Philippine forces.
Si US Secretary of State Marco Rubio ang natalana man nga magbisita sa Pilipinas sa Abril.
Suno kay Romualdez, si President Trump ang masako pa sa karun sa nagapadayon nga negosasyon para sa isa ka truce sa tunga sang Russia kag Ukraine.
