Nag-abot na si President Ferdinand Marcos Jr. sa Cambodia kahapon para sa ila tatlo ka adlaw nga state visit.
Si Marcos ang nag-abot sa Phnom Penh sakay sa presidential plane PR 001 alas 3:08 sang hapon oras sa Cambodia kaupod si First Lady Liza Araneta-Marcos.
Sa iya pre-departure speech, ginhighlight sang Presidente ang dynamism sa tunga sang Pilipinas kag Cambodia sa pila ka mga key sectors lakip na ang defense and security, trade, agriculture, heritage preservation kag iban pa.
Ini ang labing una nga kahigayunan sa siyam ka tuig nga nagbisita ang Presidente sang Pilipinas sa Cambodia suno sa Department of Foreign Affairs.
Tinutuyo ni Marcos nga maduso ang mas makusog nga efforts batok sa transnational crimes kag magpangayto sang suporta para sa chairmanship sang Manila sa Association of Southeast Asian Nations (ASEAN) sa 2026.
Mainit naman nga ginbaton sang Filipino community sa Cambodia si President Ferdinand Marcos Jr.
Ini ang una nga agenda sang Presidente sa iya tatlo ka adlaw nga official state visit sa Cambodia.
Napuno sang kasadya kag kinadlaw ang pag-istorya sang Presidente sa mga overseas Filipino workers sa pungsod.
Domingo sang hapon sang nag-abot si Marcos sa Cambodia kaupod si First Lady Louise “Liza” Araneta – Marcos.
Sila ang ginsugata sang mga opisyal sang Cambodia nagikan sa airport.
Pila sa mga aktibidad sang Presidente amu ang pag-angkon sang bilateral meeting kay Cambodian Prime Minister Samdech Moha Borvor Thipadei Hun Manet para sa pagpabaskog sang relasyon sang Cambodia kag Pilipinas.
