Ginpahanumduman ni President Ferdinand Marcos Jr. ang mga local government units nga mas pabaskugon ang ila waste management efforts matapos ang pagsaka sang kaso sang leptospirosis kag dengue.
Ini ang ginpahayag ni Marcos sa atubang sang 3,000 ka mga local chief executives nga nagtambong sa Local Governance Summit 2024 sa Pasay City.
Suno kay Marcos, sa karun nagasaka ang kaso sang leptospirosis kag dengue kag ini ang ginaangot sang Department of Health sa indi insakto nga paghaboy sang basura kag indi insakto nga waste management.
Suno diri, dapat nga maghimo sang tikang ang mga local chief executives agud ma-utilize ang environmentally-sound methods kag waste minimization measures agud maprotektahan ang public health kag ang environment.
Ginpahyaag man sini nga ang problema sa solid waste management isa ka dako nga factor sa mga pagbaha.
Ginhangkat sini ang mga LGUs nga i-imprubar ang waste management kag disposal efforts ilabi na sa mga urban communities.
