Ginpahayag ni President Ferdinand Marcos Jr. nga wala nalab-ot sang K to 12 program ang tinutuyo sini nga pagpasaka sang employability sang mga graduates sa Pilipinas.
Suno kay Marcos, gindiskusyunan sini ang programa kaupod kay incoming Education secretary Sonny Angara kag ginpahayag nga ila ginalantaw ang pag-angkon sang malip-ot nga mga courses agud ma-imprubar ang employability sang mga graduates.
Suno diri, ang K to 12 program ang gin-implementar agud mangin maayo ang employability sang mga graduates apang wala ini nagakakit-an sa resulta.
Gani suno sa Presidente, dapat nga sila ang maghimo sang iban nga butang kag sa karun ila gina-examine ang mga options kaangay sang mini-courses nga nagadugay sang tatlo tubtob anum ka bulan ukon isa ka tuig nga short courses para sa specialty.
Si Angara ang isa sa mga authors sang Republic Act 10533 ukon ang Enhanced Basic Education Act of 2013, nga naga-institutionalize sang K to 12 program sang gobyerno.
Siya ang magapungko nga tiglikom sang Department of Education kun magtake-effect na ang resignation ni Vice President Sara Duterte sa Hulyo 19.
