Ginpahayag ni President Ferdinand “Bongbong” Marcos Jr. nga nagaplano ini nga irestore ang budget sang Department of Education (DepEd) matapos nga ginbuhinan ini sang bicameral conference committee sang P10 billion.
Suno kay Marcos, indi sini luyag nga i-veto ang maskin ano nga line item sa budget gani nagapangita ini sang mga pamaagi agud ma-address ang pagbuhin sa appropriations sa DepEd.
Suno sa Presidente, ang nadula nga P10 billion ang nagikan sa computerization item gani sila ang nagapangita sang pamaagi agud masiguro nga ini ang marestore.
Indi man sini luyag nga i-veto ang maskin ano bangud ini ang makapugong lamang gani ini ang ila pa gina-istoryahan kag ginapangitaan sang pamaagi.
Nagapati ang presidente nga ini ang maremedyuhan pa.
Madumduman nga nagpabutyag sang pagkadismaya si Education Secretary Sonny Angara bangud sa kadakuon sang buhin sa budget sang DepEd nga nagdangat sa P10 billion nga natalana kuntani para sa computerization program sang ahensya.
