Gindayaw ni President Ferdinand Bongbong Marcos Jr. ang Philippine Air Force (PAF) sa ila nga importante nga papel sa pagpabilin sang territorial integrity kag paghatag sang seguridad sa maritime zones sang pungsod.
Sa mensahe sang presidente, ginpahayag sini nga importante ang papel sang PAF agud nga mapabilin ang national interest sang pungsod, protektahan ang komunidad ka mangin ang teritoryo sini.
Ginsiguro man sang chief executive ang suporta sa Armed Forces of the Philippines sa ila nga modernization program.
Aminado man ang presidente nga dako nga pagpanghangkat ang pagaatubangon sang PAF bangud sa geopolitical changes kag nagakadapat lamang nga pansanyugon pa ang pwersa kag kabakod sang organisasyon.
Ginkilala man sang Presidente ang importansya sang maritime patrols sang Philippine Air Force sa pag uphold sa territorial integrity kag paghatag sang seguridad sa maritime zones sang pungsod.
Ginhatagan man sang presidente sang importansya ang effort sang PAF sa paghatag sang suporta sa Philippine Army kag sa iban pa nga law enforcement agencies sa internal security operations agud nga masiguro nga hilway ang mga komunidad gikan sa nagkalain-lain nga pamahog.
