Gindeklarar ni President Ferdinand “Bongbong” Marcos Jr. ang isa ka period of national mourning bangud sa kamatayon ni Pope Francis.
Suno sa Presidential Communications Office (PCO), ang period sang national mourning ang epektibo gilayon tubtob sa paglubong sang Santo Papa.
Suno sa Malacañang, sa amu sini nga tiyempo, tanan nga Philippine flag ang ibutang sa half-mast sa tanan nga government buildings kag installations sa pungsod kag abroad.
Suno diri, nagaupod ang Pilipinas sa pagkasubo sa kamatayon sang isa ka pinuno sang pagtuo, pagpalangga kag humanity.
Sang Miyerkules, ginkumpirmar ni Palace Press Officer Undersecretary Atty. Claire Castro nga ang Presidente kag si First Lady Louise “Liza” Araneta-Marcos ang magatambong sa lubong sang Santo Papa.
