Naghatag si President Ferdinand Marcos Jr. sang P60 million nga ayuda para sa mga biktima sang paglupok sang Bulkan Kanlaon.
Suno sa Office of Civil Defense (OCD), naghatag si Marcos sang tag P30 million para sa Canlaon City kag Negros Oriental Province.
Ang turnover sang ayuda ang ginpangunahan ni Special Assistant to the President Secretary Antonio Lagdameo Jr. sa isa ka meeting kaupod ang mga local officials kag disaster management representatives.
Suno sa OCD, ang Negros Oriental provincial government ang nagapangatubang sang mga pagpanghangkat sa pagdeklarar sang isa ka State of Calamity bangud sa legal restrictions nga nagarequire sa indi magnubo duha ka mga ciudad ukon munisipalidad nga maapektuhan.
Samtang, ginreport naman sang local government sang Canlaon nga makasustain lamang ini sang support para sa internally displaced persons sa sulod sang tatlo tubtob apat ka adlaw kag kinahanglanon sang ayuda nagikan sa national government.
Ginpasalamatan naman ni Joel Erestain, OCD Central Visayas chief and Regional Task Force Kanlaon vice chairperson, si Marcos para sa ayuda sang displaced population.
