Nagmando si President Ferdinand “Bongbong” Marcos Jr. sa law enforcement authorities nga padayunon ang ila imbestigasyon sa kaso sang missing sabungeros.
Ini matapos ginpahayag sang isa ka key witness nga kapin 20 ka mga police officers ang ginaalegar yara sa likod sang abduction kag kamatayon sang masobra isa ka gatos nga cockfight enthusiasts.
Suno kay Palace Press Officer Claire Castro, padayunon ang madalom nga pag-imbestigar agud mahibaluan kun sin-o ang imbolbado kag mapasabat ang mga dapat manabat.
Apang suno sa Malacañang, kinahanglan sang substantive evidence agud suportahan ang testimonies sang mga witnesses.
Nagpabutyag man sang confidence ang Malacañang sa integridad sang mga korte sa pungsod matapos nagpaandam ang Department of Justice nga ang ginaalegar mastermind sa likod sang missing sabungeros ang may yara sang kwarta agud impluwensyahan ang judiciary.
Kahapon, ginpahayag sang witness nga si Julie “Dondon” Patidongan, nga una na nga nagpakilala bilang si “Totoy” nga si Charlie “Atong” Ang ang yara sa likod sang pagpangkidnap.
Ginlawag man sini ang pangalan sang aktres nga si Gretchen Barretto nga suno sa iya, amu ang masami nga kaupod ni Ang.
