Nagmando si President Ferdinand Marcos Jr. sa gobyerno nga maglunsyar sang nationwide communications program para sa pagpakig-angot sa mga ginikanan nahanungod sa mga online threats, suno kay Interior Secretary Jonvic Remulla.
Suno diri, ang programa ang magahatag sa mga ginikanan sang giya sa pakig-istorya sa ila kabataan kasubong man sa pag-respond sa mga pamahog online.
Ginpahayag ni Remulla nga nagpagwa sang direktiba ang presidente bangud sa ginapangatubang subong nga isyu sa diin kabataan ang mga ginabiktima partikular na ang online grooming, kag iban pa nga mga akitibidad nga naga-impluwensya sa ila.
Ini nga direktiba ang kasunod sang serye sang pagpangluthag sa pila ka mga buluthuan sa pungsod.
Ang pinaka-ulihi nga insidente ang natabo sa Banga, South Cotabato sang Setyembre 18, kun sa diin tatlo ka estudyante ang ginbawian sang kabuhi samtang walo naman ang pilason.
