Nagmando si President Ferdinand Marcos Jr. sa tanan nga concerned government agencies nga hugot nga imonitor ang giho ni Tropical Storm Enteng agud mag-issue sang early advisories natuhoy sa class kag work suspensions.
Si Tropical Strom Enteng ang ginalauman nga magadala sang mabaskog nga pag-ulan kag makusog nga hangin tubtob subong nga Martes.
Suno kay Marcos, ginmanduan sini ang mga concerned government agencies nga antes magtulog, siguruhon kun may yara sang klase kag trabaho subong nga adlaw agud maka-adjust man ang mga pumuluyo.
Suno diri, ini ang kabahin sang preparasyon sang gobyerno kadungan sang paglaslas sang Tropical Storm Enteng nga nagtuga sang pagbaha sa pila ka bahin sang Pilipinas.
Gin-emphasize sini ang importansya sang pag-issue sang timprano pa nga advisories agud malikawan ang inconvenience sa publiko sa karun nga nagalain ang tiyempo.
Ginatugyan naman sini sa local government units ang paghimo sang ila kaugalingon nga mga desisyon sa ila respective areas of responsibility.
