Ginmanduan ni President Ferdinand Marcos Jr. ang Department of the Interior and Local Government (DILG) kag Philippine National Police nga ipalapta ang ila pwersa kag hibaluon ang mga hotspots area kun sa diin masami nga gina-atake ang mga local officals.
Ini ang kasunod sang pila ka krimen nga pagpatay sa mga opisyales, lakip na ang pag-assassinate kay Negros Oriental Governor Roel Degamo.
Ginduso ni Marcos nga i-track ang mga illegal firearms bangud kun ini ang magdiutay, maganubo man ang numero sang krimen.
Ginalantaw man sang presidente nga makahaladlukan kag lakat pulitika ang pagpatay kay Degamo.
Suno kay Marcos, nakibot ini sang nakita ang video nga suno sa iya, plano tiruhon sang mga suspetsado ang sin-o man nga mag-atubang sa ila.
Iya man pagahatagan sang proteksyon ang mga local officials nga nagapati sila ang posible mangin assassination targets.
Aminado man ini nga madamo sang nagakabalaka sa karun gani ginmanduan sini ang joint Army kag kapulisan nga ipalapta ang ila nga presensya para nga wala sang gamo.
Samtang, gindayaw man Marcos ang maayo nga development sa pag-imbistigar kag pagkuha sang impormasyon nga mapadasig ang pagdakop sa mga suspetsado.
Sa karun, lima na ang na-aresto sang otoridad nga imbulbado sa Degamo assassination, samtang isa ang patay sa pursuit operations.
Ginpaanggid naman ni Sanator Bong Revilla sa sapat ang mga suspetsado ilabi na ang mastermind sa pagpatay kay Governor Roel Degamo.
Suno kay Revilla, makahaladlukan kag maka-ilinit ang natabo nga pag-assassinate sa gobernador, ilabi nga nalakip sa insidente ang mga sibilyan nga mangayo man lang kuntani sang bulig apang sila ang ginpatay nga wala man lang nakabato.
Ginalantaw man sini nga isa ka systematic gun for hire ang pag-atake nga natabo.
Gani, iya ginkwestyon kun sin-o ang mastermind nga nagapanago sa likod sang armas kag kwarta nga nagpungko sang matawhay samtang madamo sang nagakalamatay.
