President Bongbong Marcos, nagpanugyan nga pilion ang kalinong kag safety sang pamilya subong nga Semana Santa

Ginhangkat ni President Ferdinand “Bongbong” Marcos Jr. ang mga Filipino nga pilion ang kalinong kag safety sa ila pamilya sa karun nga Semana Santa.

Sa isa ka video message, ginpahayag ni Marcos nga sa karun nga Holy Week, dapat pilion ang kalinong kag kaluwasan para sa kaugalingon kag sa pamilya.

Dugang pa sini nga dapat mangin mahinatagon kag humble ang publiko samtang yara sa dalanon.

Suno diri, ang Bagong Pilipino ang nagapanindugan para sa iya pungsod, nagaapin sa kalinong kag kaluwasan ilabi na sa dalanon.

Panugyan sini nga dapat maghatagay kag magpakanubo.

Sa isa ka separado nga social media post, nagpahanumdum si First Lady Liza Marcos sa publiko nga respetuhon ang isa kag isa.