Ginpasalamatan sang Presidente ang mga nagdumdom sa iya amay nga si late President Ferdinand Marcos Sr. subong nga UNDAS 2024.
Nagpadulong sa Libingan ng mga Bayani ang Presidente upod sa iya iloy nga si former First Lady Imelda Marcos agud bisitahan ang lulubngan sang anay Presidente kag sila ang nagpatigayon man sang misa.
Ang misa ang gintambungan sang madamo nga mga tagasuporta sang anay Presidente.
Sa speech ni President Bongbong Marcos, dako ang kalipay sini nga liwat makita ang pagtipon sang mga nakapula nga panapton nga sadto masami sini nga makita.
Apisar nga ang pagdumdom sa amay ang ginalakipan sang kasubo, dako gihapon ang iya kalipay nga makita ang wala nagatahaw nga supporter sang iya amay.
Suno diri, ang mga tinaga gikan sa iya amay ang padayun nga nagapabaskog sa iya nga magpadayun sa pagserbisyo.
Pahayag ni President Bongbong Marcos nga kulang ang paghambal lamang sang rest in peace.
Ini bangod agud mangin malinong ang pagpahuway sang iya amay, dapat nga ipadayun sini ang na-umpisahan na para sa kaayuhan sang Pilipinas kag sa pagpalangga sa mga Pilipino.
Pinaagi sini sa tion nga madula na, madumduman nga sa ila panahon sila ang naghimo sang maayo para sa pungsod.
