Ginpahayag ni President Ferdinand “Bongbong” Marcos Jr. nga indi makabati sang maskin ano nga pagpamahog ukon malain nga mga tinaga ang publiko nagikan sa iya senatorial candidates.
Ginbuksan ni Marcos ang iya remarks paagi sa pagpahayag nga ginatsekyar sini kun safe ang iya mga kandidato nagikan sa paglupok sang granada.
Suno sa Presidente, kuntani siya ang pasugtan na lamang kag ginasiguro lamang sini nga wala sang may nalukpan sang granada sa iya mga kandidato.
Suno diri, ang kinalain sang Alyansa sa iban nga mga nagapadalagan sa karun nga Eleksyon amu nga wala sila sang may mabatian nga malain nga mga tinaga, pagpamahog ukon pagpamuyayaw.
Madumduman nga sang tinalikdan nga semana, ginpakigbahin ni former President Rodrigo Duterte sa isa ka campaign rally ang ideya sang pagpatay sang mga senador agud ma-eleher sa Senado ang tanan sini nga party candidates.
Suno sa iya, ini ang matabo paagi sa pagpalupok sang granada.
