Ginpahayag ni President Ferdinand “Bongbong” Marcos Jr. nga yara sa ibabaw sang sitwasyon ang gobyerno sa tunga sang paglupok sang Bulkan Kanlaon sa Negros Island.
Suno kay Marcos, nagacoordinate ang national government sa local government units agud masiguro ang kaluwasan sang mga residente nga naapektuhan sang paglupok sang bulkan.
Masobra 45,000 ka mga residente ang gin-evacuate nagikan sa six-kilometer radius danger zone sang bulkan kag ginatarget sang gobyerno nga ma-evacuate ang 84,000 ka mga indibidwal.
Naglupok ang Bulkan Kanlaon sang Lunes sang hapon nga gintunaan sang pagpasaka sang Philippine Institute of Volcanology and Seismology (PHIVOLCS) sang status sini sa Alert Level 3.
Sa pag-address sang sitwasyon, ginmanduan sang Presidente ang Department of Budget and Management nga magrelease sang disaster funds kag nagmando sa Department of Health (DOH) nga padayon nga i-monitor ang health situation kag mangin alerto sa mga balatian may kaangtanan sa eruption.
