Nagpromisa ang Marcos Jr. administration nga pasakaan ang sweldo kag iban pa nga benepisyo para sa public school teachers sa culminating event sang National Teachers’ Day.
Suno kay President Ferdinand Marcos Jr., ang pagsuporta sa mga manunudlo ang isa sa mga prayoridad sang iya administrasyon.
Suno sa iya, ang gobyerno ang nagapasiguro nga may yara sang nagakaigo nga resources ang mga ini agud magtudlo paagi sa dugang nga mga materyales ukon pagbuhin sa mga non-teaching responsibilties.
Nalakip sa mga ginpatuman nga mga hagna suno diri amu ang Kabalikat sa Pagtuturo Act nga magapasaka sang annual teaching allowance para sa mga manunudlo humalin sa P5,000 tubtob P10,000 tax-free sumugod sa school year 2025 kag medical allowance nga P7,000 sumugod sa fiscal year 2025.
Nagperma man ang Presidente sang implementing rules and regulations sang Executive Order No. 174 nga may tinutuyo sa professional development kag career advancement agud masiguro nga wala sang manunudlo nga magaretire sa Teacher 1 level.
Ginre-affirm man ni House Speaker Martin Romualdez ang promisa sang Kongreso agud maimprubar ang welfare sang mga manunudlo.
