Naka-abot na si President Ferdinand “Bongbong” Marcos Jr. sa Washington D.C. para sa tatlo ka adlaw nga official visit nga nagafocus sa pagpasanyog sang strategic partnership kaupod ang Amerika partikular na sa mga area sang ekonomiya kag security cooperation.
Nagland ang aircraft sang Presidente sa Joint Base Andrews sang Hulyo 20 sang hapon kun sa diin siya ang ginwelcome nanday United States Jose Manuel Romualdez kag U.S. Ambassador to the Philippines MaryKay Carlson.
Si Marcos ang labing una nga Southeast Asian leader nga makigkita kay US President Donald Trump humalin sang nagsugod ang second term sini sang Enero.
Prayoridad sini sa pagbisita amu ang pagpasanyog sang trade kag economic cooperation ilabi na sa ginpatuman nga 20 percent U.S. tariff sa Philippine exports.
Natalana man ini nga makigkita sa nagkalain-lain nga business leaders agud i-explore ang mga business opportunities nga makapasanyog sa ekonomiya sang pungsod.
