President Bongbong Marcos, nakaabot na sa South Korea para sa pagtambong sa 32nd APEC Summit

Nag-abot na sa South Korea si President Ferdinand Marcos Jr. agud magtambong sa 32nd Asia-Pacific Economic Cooperation (APEC) Summit.

Alas 4:00 sang hapon, oras sa Pilipinas, sang nag-abot ang eroplano nga ginasakyan sang Presidente kaupod ang delegasyon sang pungsod sa Gimhae Air Base.

Natalana nga magmeet ang Presidente sa Filipino community antes ang pagtambong sini sa APEC.

Magahambal man si Marcos sa APEC CEO Summit nga magadiskusyon sa mga pagpanghangkat nga ginapangatubang sang pungsod kaangay sang digital infrastructure, supply chain risk kag mga regulatory fragmentations.

Sa meeting sang Presidente sa Filipino community sa South Korea, ginhighlight ni Marcos ang importansya sang APEC sa ekonomiya sang Pilipinas.