Nakabalik na sa Pilipinas si President Ferdinand “Bongbong” Marcos Jr. matapos ang ginpatigayon nga pagbisita sini sa Amerika kag persona nga paghinun-anon kay US President Donald Trump.
Sang Miyerkules sang gab-i, Hulyo 23, nag-abot ang Presidente.
Sa iya arrival statement, ginpasiguro sini ang bulig nga nahatag na sang gobyerno para sa mga naapektuhan sang lapnagon nga pagbaha bangud sa habagat kag mga bagyo.
Ginhangkat man sini ang publiko nga apektado nga magsunod sa mando sang mga otoridad.
Ginpahayag man sang Presidente ang pila ka mga kadalag-an sa meeting sini kaupod si Trump.
Naistoryahan sa nasambit nga meeting ang pila ka mga issue natuhoy sa seguridad, trade kag defense cooperation.
Gin-imbita man ni Marcos si Trump nga magbisita sa pungsod kag magtambong sa Association of Southeast Asian Nations (ASEAN) meeting sa 2026 kun sa diin mangin host ang Pilipinas.
