Nakigkita si President Ferdinand Marcos Jr. nanday US Secretary of State Antony Blinken kag Secretary of Defense Lloyd Austin III, nga nagpatigayon sang isa ka courtesy call sa Malacanang sang Martes.
Sa pagwelcome sang duha ka mga high-level US officials, nagpabutyag sang pagpasalamat si Marcos bangud sa bukas nga communication lines sa tunga sang Pilipinas kag Estados Unidos ilabi na sa sitwasyon sa West Philippine Sea.
Si Blinken kag Austin ang yara sa karun sa pungsod para sa ikaapt nga Philippines-US Foreign and Defense Ministerial Dialogue (2+2 Dialogue).
Ginalaragway ni Blinken ang dialogue bilang maragtason bangud ini ang labing una nga kahigayunan nga ang Pilipinas ang magahost sang ministerial meeting kaupod ang Estados Unidos.
Samtang, ginhighlight naman ni Austin ang relasyon sang Pilipinas kag Amerika kag ginpahayag nga ang duha ka pungsod ang indi lamang magkaalyado kundi isa ka pamilya.
Suno sa iya, may yara sang common interests kag common values ang Pilipinas kag Amerika kag nagalaom ini sa pagpadayon sang mga tikang agud mapasanyog pa ang relasyon sang duha ka pungsod.
