President Bongbong Marcos, plano nga magbisita sa Cebu agud tsekyaron ang sitwasyon matapos ang mabaskog nga linog

Nagaplano si President Ferdinand Marcos Jr. nga magbisita sa “ground zero” kun sa diin nagtay-og ang magnitude 6.9 nga linog sa Cebu.

Suno kay Presidential Communications Office Chief Dave Gomez, una na nga nagpadulong ang pila ka mga cabinet secretaries sa mga areas nga tuman nga nahalitan sang linog.

Dugang pa ni Gomez, tuman nga ginakasubo sang Presidente ang natabo kag nagpalab-ot ini sang pagpakig-unong sa mga nadulaan sang kabuhi.

Nagpasiguro man ini nga magabulig ang national government sa local government units nga naapektuhan sang liog.

Gilayon nga ginmanduan ni Marcos ang mga nagapamuno sang frontline government agencies nga gilayon nga magbulig sa mga naapektuhan sang linog.