-- ADVERTISEMENT --
Respetuhon ni President Ferdinand ”Bongbong” Marcos Jr. ang proseso sang posible pag-file sang bag-o nga impeachment complaint batuk kay Vice President Sara Duterte.
Suno kay Palace Press Officer kag Undersecretary Atty Claire Castro, ginpahayag sang presidente nga kun mapasaka na ang impeachment dapat ini nga tratuhon kaangay sang ginhimo nga imbestigasyon mga anomalous flood control project nga wala sang apinan kag dapat mag-agi sa insakto nga proseso.
Apisar nga wala direkta nga ginpahayag kun suportahan ukon balabagan sang Presidente ang impeachment gin-emphasize ni Castro nga respetuhon sini ang proseso kag manabat ang sin-o man ang mapamatud-an nga may sala.
