Ginpahayag sang Malacañang nga wala nagapamatok si President Ferdinand Marcos Jr. sa wage increase bangud ini ang maga-improve sang kondisyon sang mga trabahante.
Ini ang nangin komento ni Presidential Communications Undersecretary Claire Castro sang ginpamangkot natuhoy sa mga komento nga ang Presidente ang nagpatay sang ginapropose nga P200 across-the-board wage hike.
Suno kay Castro, indi diktador ang Presidente kag mas maayo nga ibilin na lamang ang ini nga issue sa Kongreso sa karun.
Paathag sini nga wala nagapamatok si Marcos sa increase ukon wage hike bangud ini ang makabenepisyo sa mga trabahante.
Dugang pa sini nga ginatun-an ini sa karun sang regional tripartite wages and productivity board kag sa kada rehiyon, ang mga Filipino ang makakita sang increase sa ila mga sweldo.
