Wala pa nakadesisyon ang Malacañang kun magahatag sang clemency kay convicted overseas Filipino worker Mary Jane Veloso kasunod sang iya pagpauli sa Pilipinas matapos ang 14 ka tuig nga detention sa Indonesia.
Suno kay Executive Secretary Lucas Bersamin, wala pa sang desisyon nga nahimo natuhoy sa kun siya ang pagahatagan bala sang executive clemency ukon indi.
Si Veloso ang yara sa death sentence para sa drug trafficking matapos siya ang nakuhaan sang 2.6 kilos nga heroin sa Indonesia sang 2010.
Suno sa Department of Justice, ang executive clemency ang magapadasig sa kahilwayan ni Veloso.
Suno kay DOJ Undersecretary Raul Vasquez, kun sa panulukan sang Presidente sarang ini nga mahatagan sang executive clemency bilang pag-exercise sang iya ultimate kag absolute authority kaupod ang iban pa nga equally entitled PDLs, sarang niya ini nga mahimo.
Dugang pa sini nga kun magahatag sang executive clemency ang Presidente, pagalantawon man sini ang iban nga kaso kag indi lamang ang kay Veloso.
