Ginpahayag naman ni President Ferdinand “Bongbong” Marcos Jr. nga likawan sini anay ang pagpadulong sa apektado nga mga lugar bangud santo sa eksperyensya sini bilang gobernador kag naeksperyensyahan man sini sadtong Bagyong Yolanda nga kun magpadulong gilayon ang mga national officers sa apektado nga lugar, ginagamo lamang nila ang trabaho sa mga local officials.
Suno kay Marcos, isa sa ginakabalak-an sini sa karun ang brown-out bangud kinahanglan ini sa communications kag ini ang nakadepende sa power supply.
Samtang, ginalantaw sini bangud rural areas man ang apektado sang linog indi problema sa karun ang kakulang sang supply sang tubig kasubong man ang supply sang pagkaon.
Wala pa sang nabaton ang opisina sang presidente sang report kun san-o mabalik ang supply sang kuryente sa mga apektado nga lugar bangud kinahanglan pa tsekyaron ang tanan nga mga power lines agud nga masiguro nga hilway ang mga linya antes ibalik ang kuryente.
Suno sa presidente nagrequest naman ini sa mga telecommunications company nga ibalik na ang linya sang komunikasyon bangud importante sa tion sang kalamidad ang makaestoryahanay ang mga opisyales kag makahatag man sang update ukon development sang sitwasyon sa mga lugar nga apektado sang linog.
